മാലിന്യ സംസ്കരണ പ്ലാന്റിലെ തീപിടുത്തത്തെ തുടര്ന്ന് ആരോഗ്യപരമായ പ്രശ്നങ്ങള് നേരിടുന്ന ബ്രഹ്മപുരത്തെയും പരിസരപ്രദേശങ്ങളിലെയും ജനങ്ങള്ക്ക് വൈദ്യസഹായവുമായി മമ്മൂട്ടി എത്തിയിരുന്നു. മമ്മൂട്ടിയുടെ നിർദേശാനുസരണം രാജഗിരി ആശുപത്രിയില് നിന്നുള്ള മെഡിക്കല് സംഘം ഇന്നലെ മുതല് സൗജന്യ പരിശോധന തുടങ്ങിയിരിക്കുകയാണ്.
മൂന്നു ദിവസങ്ങളില് മെഡിക്കൽ സംഘം മരുന്നുകളും ഓക്സിജന് കോണ്സന്ട്രേറ്ററുകളും മാസ്കുകളുമായി ഒരോ വീടിനടുത്തേക്കെത്തും. മമ്മൂട്ടിയെ കുറിച്ചും നടന്റെ നേതൃത്വത്തിലുള്ള സംഘം നടത്തുന്ന പ്രവർത്തനങ്ങളെ കുറിച്ചും കുറിപ്പ് പങ്കുവെക്കുകയാണ് മമ്മൂട്ടിയുടെ പി ആർ ഒ ആയ റോബർട്ട് കുര്യാക്കോസ്.