കൊച്ചി: സര്ക്കാര് ജീവനക്കാര് നടത്തുന്ന പണിമുടക്ക് നിയമവിരുദ്ധമെന്ന് ഹൈക്കോടതി. പണിമുടക്കുന്നവര്ക്ക് ശമ്പളത്തിന് അര്ഹതയില്ലെന്നും പണിമുടക്ക് നടത്തിയാല് കര്ശന നടപടി സ്വീകരിക്കണമെന്നും കോടതി വ്യക്തമാക്കി.
ഇക്കാര്യത്തില് സര്ക്കാര് ശക്തമായ നടപടിയെടുക്കണമെന്നും ജസ്റ്റിസ് എസ്.മണികുമാര് അധ്യക്ഷനായ ഡിവിഷന് ബെഞ്ച് ഉത്തരവിട്ടു. സര്വീസ് ചട്ടം റൂള് 86 പ്രകാരം പണിമുടക്കു നിയമ വിരുദ്ധമാണെന്ന് കോടതി ചൂണ്ടിക്കാട്ടി.
കഴിഞ്ഞ വര്ഷം സംയുക്ത ട്രേഡ് യൂണിയനുകള് ആഹ്വാനം ചെയ്ത പണിമുടക്കിനെതിരെ തിരുവനന്തപുരം സ്വദേശി ചന്ദ്രചൂഡന് നായര് സമര്പ്പിച്ച പൊതു താല്പര്യ ഹര്ജി പരിഗണിക്കുകയായിരുന്നു കോടതി. പണിമുടക്കിയ ജീവനക്കാര്ക്ക് ശമ്പളം അനുവദിച്ചതിനെ നേരത്തെയും കേസ് പരിഗണിക്കുമ്പോള് കോടതി വിമര്ശിച്ചിരുന്നു.