തിരുവനന്തപുരം: ആറര വയസ്സുകാരിയെ പീഡിപ്പിക്കാന് ശ്രമിച്ച കേസില് പ്രതിയായ 55 കാരന് ആറു വര്ഷം കഠിനതടവും 30,000 രൂപ പിഴയും. കാഞ്ഞിരംകുളം ലൂര്ദ്പുരം ചാണിവിള വീട്ടില് കാര്ലോസിനെതിരെയാണ് (55) തിരുവനന്തപുരം അതിവേഗ സ്പെഷല് കോടതി ജഡ്ജി ആജ് സുദര്ശന് ശിക്ഷ വിധിച്ചത് .
കൂടാതെ പിഴ അടച്ചില്ലെങ്കില് ഒന്നര വര്ഷം അധികശിക്ഷ പ്രതി അനുഭവിക്കണം എന്നും കോടതി പറഞ്ഞു . 2021 ആഗസ്റ്റ് 30നാണ് കേസിനാസ്പദമായ സംഭവം നടന്നത് . വീട്ടില് മുത്തശ്ശി മാത്രം ഉണ്ടായിരുന്ന സമയത്ത് വീട് വൃത്തിയാക്കാനെത്തിയ പ്രതി പെണ്കുട്ടിയെ പീഡിപ്പിക്കാന് ശ്രമിക്കുകയും കുട്ടി ബഹളം വെച്ചതോടെ മുത്തശ്ശി പ്രതിയെ മര്ദിക്കുകയും പിന്നീട് കാഞ്ഞിരംകുളം പൊലീസ് സ്റ്റേഷനില് പരാതി നല്കുകയും ചെയ്യുകയായിരുന്നു.
പ്രോസിക്യൂഷനുവേണ്ടി സ്പെഷല് പബ്ലിക് പ്രോസിക്യൂട്ടര് ആര്.എസ്. വിജയ് മോഹന്, അഡ്വ.എം. മുബീന എന്നിവര് ഹാജരായി. കാഞ്ഞിരംകുളം എസ്.ഐ ഇ.എം. സജീറാണ് കേസ് അന്വേഷിച്ച് കുറ്റപത്രം സമര്പ്പിച്ചത്.