തിരുവനന്തപുരം: സംസ്ഥാനത്ത് സൗജന്യ ഓണക്കിറ്റ് വിതരണം ചൊവ്വാഴ്ച മുതല് റേഷന് കടകള് വഴി ആരംഭിക്കും.
പദ്ധതിയുടെ സംസ്ഥാനതല ഉദ്ഘാടനം തിങ്കളാഴ്ച മുഖ്യമന്ത്രി പിണറായി വിജയന് നിര്വ്വഹിക്കും.തുണിസഞ്ചി ഉള്പ്പെടെ 14 ഇനം സാധനങ്ങള് ഉള്പ്പെടുന്നതാണ് സൗജന്യ ഓണക്കിറ്റ്.ഭക്ഷ്യക്കിറ്റുകളുടെ ജില്ലാതല വിതരണോദ്ഘാടനവും നാളെ വൈകുന്നേരം എല്ലാ ജില്ലാ ആസ്ഥാനങ്ങളിലും ബന്ധപ്പെട്ട ജനപ്രതിനിധികള് നിര്വ്വഹിക്കും.
ആഗസ്റ്റ് 23,24 തീയതികളില് (ചൊവ്വാഴ്ചയും ബുധനാഴ്ചയും) മഞ്ഞ കാര്ഡുടമകള്ക്കും ആഗസ്റ്റ് 25, 26, 27 തീയതികളില് (വ്യാഴം,വെള്ളി ,ശനി) പിങ്ക് കാര്ഡുടമകള്ക്കും ആഗസ്റ്റ് 29, 30, 31 തിയതികളില് നീല കാര്ഡ് ഉളളവര്ക്കും സെപ്റ്റംബര് 1, 2, 3 തിയതികളില് വെള്ള കാര്ഡുടമകള്ക്കുമാണ് ഭക്ഷ്യ കിറ്റുകള് വിതരണം നടത്തുന്നതാണ്. ഏതെങ്കിലും കാരണങ്ങളാല് ഈ ദിവസങ്ങളില് ഓണക്കിറ്റ് വാങ്ങാന് കഴിയാത്തവര്ക്ക് സെപ്തംബര് 4, 5, 6,7 തിയതികളില് കിറ്റ് വാങ്ങാവുന്നതാണ്. ഓണ ശേഷം കിറ്റ് വിതരണം ഉണ്ടാവില്ല.