അകമല ധര്മശാസ്താ ക്ഷേത്രത്തിന് സമീപം ടൂറിസ്റ്റ് ബസ് 20 അടി താഴ്ചയിലേക്കു മറിഞ്ഞ് അപകടം. മലപ്പുറം പാണ്ടിക്കാട്ടില് നിന്ന് വിദ്യാര്ഥികളുമായി വാഗമണ്ണിലേക്കു പോവുകയായിരുന്ന ബസാണ് അപകടത്തില്പ്പെട്ടത്. ബസില് ഉണ്ടായിരുന്ന പരിക്കേറ്റ മുപ്പതോളം വിദ്യാര്ഥിനികളെ ജില്ലാ ആശുപത്രിയിലും മെഡിക്കല് കോളജിലും പ്രവേശിപ്പിച്ചു.
രാവിലെ ഏഴരയോടെയാണ് അപകടമുണ്ടായത്. ആരുടേയും പരുക്ക് ഗുരുതരമല്ല. പെരിന്തല്മണ്ണ ആനമങ്ങാട് അറബിക് കോളജിലെ വിദ്യാര്ഥിനികളായിരുന്നു ബസിലുണ്ടായിരുന്നത്. അപകട കാരണം വ്യക്തമല്ല.