തൃശ്ശൂർ: പുതുക്കാട് മണലിപ്പാലത്തിന് സമീപം കടന്നുപോകുന്ന കൊച്ചി-സേലം എൽ.പി.ജി. പൈപ്പ്ലൈനിൽ വാതകച്ചോർച്ച. പൈപ്പ് ലൈനിൽ അറ്റകുറ്റപ്പണികൾ നടന്നുകൊണ്ടിരിക്കെയാണ് അപ്രതീക്ഷിതമായി ചോർച്ച ശ്രദ്ധയിൽപ്പെട്ടത്.
വിവരമറിഞ്ഞ് ഉടനടി സ്ഥലത്തെത്തിയ പുതുക്കാട് അഗ്നിരക്ഷാസേന വാതകം പടർന്ന് ഉണ്ടായേക്കാവുന്ന അപകടം ഒഴിവാക്കാനുള്ള മുൻകരുതൽ നടപടികൾ സ്വീകരിച്ചു വരുന്നു. സ്ഥിതിഗതികൾ നിയന്ത്രിക്കാനായി സാങ്കേതിക വിദഗ്ധരും സ്ഥലത്തെത്തിയിട്ടുണ്ട്.